Rhydychen, Llsgr. Coleg yr Iesu 20 – tudalen 58v
Saith Doethion Rhufain
58v
di byth. ym kyffes y duỽ arglỽyd am+
heraỽdyr kynn aghywiret a hynny rac
llaỽ vyd y wreic yd ỽyt yn peri dihe+
nydyaỽ dy vab yr aỽr honn o|e achaỽs.
llymma vyg|kret na dihenydyir heb
ef. A gwedy daruot bỽytta y vrenhi+
nes a ovynnaỽd y|r amheraỽdyr a da+
roed dihenydyaỽ y mab. Na deryỽ heb
ef Ny deruyd vyth heb hi tra vo byỽ
doethon rufein. kanys megys y tynn
y vammaeth y mab y ar y lit a|e gyffro
trỽy sonnyaỽ a thrabludyaỽ yn|y glus+
teu neu dangos ryỽ betheu ffol massỽ
idaỽ. veỻy y mae doethon rufein y|th
tynnu ditheu y ar dy gyffro am vyg
gwaradỽyd i a|m kewilyd y gan dy vab
di. trỽy eu son a|e hymdidaneu ar y
ryỽ liỽ ar gelỽyd a dangossant ytt.
Ac vn ansaỽd y deruyd ytt o|r diwed
o gredu udunt ac y daruu gynt y|r
brenhin a welei trỽy y hun y dallu
| « p 58r | p 59r » |