Rhydychen, Llsgr. Coleg yr Iesu 57 – tudalen 152
Llyfr Blegywryd
152
yn erbyn y etiuedyon y araỻ. onyt ar eu kyt+
les. neu o duundeb. neu anghen kyfreithaỽl.
na rodi dim ohonaỽ ar yspeit. heb deruyn gosso+
dedic y gaỻo y etiuedyon y|diỻỽng. Os dros da
y rodir rac anghen. na dotter arnaỽ namyn
deuparth y werth. ac ony byd ueỻy y etiued a|e
keiff pan y mynno o|r|dichaỽn gỽrtheb drostaỽ
yn gyfreithaỽl. Y neb a gaffo y dir dylyet trỽy
dadleu yn ỻys. a thrỽy varn. ac na aỻei y gaffel
heb hynny. ny dyly talu prit drostaỽ. ac ny dy+
ly goỻỽng dim o da kyffro o|r a ordiwedo ar y
tir y|r kynhalyaỽdyr Pỽy|bynnac a bressỽylo
ar|dir dyn araỻ heb y gennyat dros dri dieu
a|their|nos. hoỻ da kyffro hỽnnỽ. perchen y tir
bieiuyd yn dilis os gordiwed ar|y tir. Tri ryỽ
brit yssyd ar tir. un yỽ. gobyr gỽarchadỽ. Eil
yỽ. yr hynn a roder yr achwaneckau tir. neu
y ureint. Trydyd yỽ. ỻafur kyfreithaỽl a|wnel+
er ar dir y bo gỽeỻ y tir ohonaỽ O|r keis dyn
rann o|dir gan y gereint. gỽedy bo yn hir aỻ+
| « p 151 | p 153 » |