Rhydychen, Llsgr. Coleg yr Iesu 57 – tudalen 16
Llyfr Blegywryd
16
ef bieu tyngu dros y brenhin pan vo reit. Rann
deu·wr a|geiff o grỽyn y gỽarthec a|lader yn|y
gegin. Ef bieu dangos y baỽp y eistedua briaỽt
yn|y neuad. Ef a|rann y ỻettyeu. March yn vos ̷+
sep a|geiff y gan y brenhin. a dỽy rann idaỽ o|r e+
bran. Y dir a|geiff yn ryd. Buch neu ych a|geiff
gan y teulu o bop anreith. Ef a|geiff traean cam+
lyryeu sỽydogyon bỽyt a|ỻynn. nyt amgen. Coc
Truỻyat. sỽydỽr ỻys. Ef a|geiff gobreu merchet
y maer bissweil. Pedeir ar|hugeint o aryant a|geiff
y gan bop sỽydaỽc bỽyt a|ỻynn. Pan el yn|y sỽyd
ef a rann aryant y gỽestuaeu. Ef bieu ardystu
gỽirodeu y ỻys. Ef a|geiff rann deu·wr o aryant
y gỽestuaeu. Ef a|gynneil breint y ỻys yn apsen
y brenhin. Punt a|hanner yỽ y ebediỽ. Punt yỽ
gobyr y verch. Teir punt yỽ y chowyỻ. Y hengwedi.
O ffeirat teulu a|geif y wisc [ seith punt.
y penyttyo y brenhin yndi y garaỽys er+
byn y pasc. ac ueỻy offeiryat brenhines a|geif y
gỽisc hitheu. Deudeng|mu a|delir dros sarhaet
| « p 15 | p 17 » |