Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 57 – tudalen 172

Llyfr Blegywryd

172

G ỽyd dỽy geinyaỽc. kyfreith. a|dal. Nyth gỽyd
dỽy geinyaỽc. kyfreith. Kyỽ dan adein y uam
keinyaỽc cotta a|dal. pan el y ỽrthi. keinyaỽc
kyfreith. aỽst. dỽy geinyaỽc kyfreith. a|dal. Keilyaỽc neu
iar. keinyaỽc cotta a|dal. ~ ~ ~  
P ỽy bynnac a|losco. neuad brenhin. pop
prenn o|r a gynhalyo penn y ty. uge+
int a|dal drostaỽ y|r brenhin. dros penn y|ty
pedwar ugeint. dros bop gody ugeint.
Gỽerth gaeafty o bop fforch a gynhalyo y
nenbren. vgeint yỽ. Dros y nenbren deu·ge+
int. Y colofneu. Meingkeu ystyffyleu. amhino+
geu. Trothỽyeu. Gordrysseu. Tubyst. doreu.
Pedeir keinyaỽc. kyfreith. a|dal pob un ohonunt.
Polyon a gỽyal. keinyaỽc. kyfreith. Y. Dorglỽyt
dỽy geinyaỽc kyfreith. Clỽyt araỻ. keinyaỽc. kyfreith.
Dros y gaeafty oỻ punt a|delir. a deudeng
mu y|r brenhin. Beuty gỽarthec. dec ar
hugeint a|dal. Dros gynhaeafty. dec sỽỻt.
Dros hafty. deu·geint. O|r noethir gaeafty.