LlGC Llsgr. 3035 (Mostyn 116) – tudalen 176v
Brut y Tywysogion
176v
o|r a|rodassei y brenhin idaỽ. namẏn yr hyn a|eniỻei o|e arueu kyrchu
a|wnaeth am|ben y cestyỻ a darestygassei y jeirỻ a|r barỽnyeit
yg|keredigyaỽn a|e ỻosgi a gỽedy clybot o|r brenhin hẏnnẏ
kyrchu deheubarth a wnaeth a ỻu gantaỽ a gỽedy mynych
ỽrthỽynebu o rys a|e wyr idaỽ ymchoelut a|wnaeth y|loegyr
ac odyno yd aeth drỽy y mor Y vlỽydyn racỽyneb y darestyg+
aỽd yr arglỽyd rys ap gruffud y cestyỻ a|wnathoed y freinc
ar draỽs dyfet ac y ỻosges. Yg|kyfrỽg hẏnẏ yd arwedaỽd
y lu y gaer vyrdin ac yd|ymladaỽd ac ef. ac yna y doeth rein+
ald vab henri vrenhin yn|y erbyn a|chyt ac ef diruaỽr luossog+
rỽyd o|freinc a normanyeit a flemhisseit a|saesson a|chymry.
ac adaỽ a|oruc rys y casteỻ a|chynuỻaỽ y|wyr y·gyt hyt y|mynyd
kefyn restyr ac yna y pebyỻaỽd y|ghasteỻ dinỽileir. Reinalt
Jarỻ a Jarỻ brustei a Jarỻ clar a deu Jeirỻ ereiỻ a|chatwa+
ladẏr ap gruffud a|hỽel a chynan veibon ywein gỽyned a
diruaỽr ỻu o varchogyon a|phedyd gyt ac ỽynt a heb veidaỽ
kyrchu y|ỻe yd oed rys ymchoelut a·dref a|wnaethant yn
ỻaỽ. segur. Odyna kynic kygreir y|rys a|orugant ac ynteu
a|e kymerth a|chenetau y|wyr a|wnaeth y ymchoelut y gỽlat
Y vlỽydyn rac ỽyneb y|bu varỽ Madaỽc ap Maredud arglỽyd
powys y gỽr a oed diruaỽr y volyan·rỽyd yr hỽn a|furuaỽd
duỽ o gymeredic degỽch ac a|e kyflanwaỽd o anhybygedic
bryder ac a|e hadurnaỽd o leỽder a|molyanrỽyd. Vfyd a|he+
gar a hael ỽrth y|tlodyon. huaỽdyr ỽrth yr vfẏdẏon garỽ
ac ymlad·gar ỽrth y alon. Gỽedy gỽneuthur jachỽyaỽl pe+
nyt a|chymryt kymyn corf crist ac oleỽ ac aghen ac y|mei+
vot yn|y ỻe yd oed y|ỽydua yn eglỽys tissiliaỽ sant y|cla ̷+
dỽyt yn enrydedus. Ny bu vaỽr gỽedy hyny yny las
| « p 176r | p 177r » |