LlGC Llsgr. 3035 (Mostyn 116) – tudalen 38v
Brut y Brenhinoedd
38v
idi megys y|r ỻeiỻ. Kanys mỽy y|karyssei ef hihi no|r ỻeiỻ
a|hitheu yn|y tremygu ef yn vỽy no|r ỻeiỻ a heb ohir
o|gyt·gygor y|wyrda y|rodes y dỽy verchet hynaf
idaỽ y dywyssogyon yr alban a chernyỽ a haner ẏ
gyuoeth gantunt hyt tra vei vyỽ ef. A|gỽedy
bei uarỽ y kyuoeth gantunt yn deu hanner ac
yna gỽedy clybot o a·ganipus vrenhin freinc clot
a|phryt a|thegỽch cordeiỻa. anuon kenadeu a|wna+
eth o|e herchi yn wreic idaỽ. A|dywedut ỽrth y|that
y genadỽri. Ac y dywaỽt ynteu y|rodei y verch idaỽ ef
heb argyfreu kan daroed idaỽ rodi y gyuoeth a|e
eur a|e aryant y dỽy verchet y ỻeiỻ. A|phan gigleu
a·ganipus tecet y vorỽyn. kyflaỽn vu o|e charẏat
a dywedut a|wnaeth bot idaỽ ef digaỽn o eur ac
aryant. Ac nat oed reit idaỽ ef ỽrth dim namyn
gỽreic telediỽ dylyedaỽc y kaffei blant ohonei yn
etiued ar y|kyuoeth ac yn|dianot y kadarnhaỽyt y
briodas yrydunt.
A c ym pen ysspeit yg|kylch diwed oes Lyr y goresgyn+
ỽys y dofyon y aranaỽn* y kyuoeth a gynhallassei ef
ẏn ỽraỽl drỽy hir amser. Ac y|ranassant y·rygtunt
yn deu haner. Ac o gymodloned y|kymerth maglaỽn
tywyssaỽc yr alban lyr attaỽ a deugein marchaỽc
ygyt ac ef rac bot yn gewilyd gantaỽ bot heb varch*+
gẏon yn|y osgord A gỽelet bot ỻyr yn|y wed honno
ẏ·gyt a|maglaỽn blyghau a oruc gordeiỻa rac meint
a oed o varchogẏon gyt ac ef Ac rac eu gỽassanaeth+
wyr ỽynteu yn teruysgu y|ỻys. A|dywedut a|wnaeth
ỽrth y|gỽr bot yn digaỽn deg marchaỽc ar|hugein
y·gyt a|e that ac eỻỽg y|ỻeiỻ ymdeith. A gỽedy dy+
| « p 38r | p 39r » |