LlGC Llsgr. Peniarth 11 – tudalen 239r
Ystoriau Saint Greal
239r
eu kennat. A mynet ymeith o|r capel a|oruc dan orchymun
eneit y vrenhines y duỽ. ac ar|hynny esgynnu ar y varch
a|wnaeth ef a cherdet racdaỽ. yny doeth y ymyl kaerỻion.
ac argarganuot* a|wnaeth ef y wlat wedy|r distrywaỽ. a|r din+
assoed wedy|r losgi yr|hynn a|vu drist ganthaỽ. ac ar hynny na+
chaf varchaỽc urdaỽl yn dyuot o|r|parth hỽnnỽ y|r wlat wedy
y vriwaỽ yn|drỽc. Laỽnslot a ovynnaỽd idaỽ o ba|le yr oed yn
dyuot. ac ynteu a|dywaỽt pan|yỽ o gaer|ỻion. ac yd oed gei yno
ar y drydyd o varchogyon urdolyon yn mynet ac owein vrych
yng|karchar y gasteỻ y greic calet. a mi a geisseis y nerthu
heb ef. ac|ỽynteu a|m anafassant i yn|y|mod y gỽely di. A ydynt
ỽy yn epeỻ* heb·y laỽnslot. Arglỽyd heb y marchaỽc yr aỽr·honn
yr|aethant ỽy heb y fforest racko. ac o|r mynny di vynet o|e
hymlit ỽy mi a|af gyt a|thi. ac a|th nerthaf yn oreu ac y gaỻ+
wyf. Laỽnslot yna a|drewis y varch a dỽy yspardun. a|r mar+
chaỽc araỻ yn|y|ol ynteu. ac ef a|arganuv ˄oỽei˄n ganthaỽ yn
rỽym ar|warthaf keffyl tuthyaỽc. Ac yna laỽnslot a|e godiwe+
daỽd ac a|dywaỽt ỽrthaỽ. Myn|vym|penn i heb ef ỽrth gei ti a
dylyut uedylyaỽ vot yn|digaỽn a|wnathoedut y arthur o
enwired a|drỽc am lad o·honat y uab. kynnyt elut y diua y
gyuoeth yn|y mod|hỽnn. ac ar|hynny brathu y varch a|oruc ef
tu a|chei. a chei a ymchoelaỽd arnaỽ ynteu. a|phob un o·nad+
unt a|drewis y gilyd yny yttoedynt yn coỻi eu gwarthafleu.
ac ar y dyrnaỽt a|drewis laỽnslot ef a aeth penn y waeỽ hyt y
| « p 238v | p 239v » |