LlGC Llsgr. Peniarth 11 – tudalen 70r

a|phany bei garu ohonaf|i dydi yn vỽy noc y karaỽd gỽreic eiri+

oet wr nyt ymbilyỽn a|thi. kanys nyt aruer y wraged wediaỽ

y gỽyr. ac am hynny karyat yssyd yn gỽascu arnaf|i. ac yn peri

ym ymbil a|thi am gysgu gyt a|mi heno. Ac ynteu yna a|dywaỽt

na wnaei ef dim o hynny o neb ryỽ uod. A|phan weles hitheu hyn+

ny hi a|wnaeth y dolur mỽyhaf a|r tristit govityaf. ac nyt oed

weỻ hynny idi hi no pheidyaỽ. A|phan weles hi na aỻei oruot

arnaỽ ef o neb ryỽ vod hi a|dywaỽt. bỽrt heb hi. ti a|m|dugost|i

o achaỽs vyn nackau yn gymeint ac y bydaf varỽ yr aỽr·honn

yngwyd dy lygeit. Ac yna hi a|e kymerth ef erbyn y laỽ. ac a|e

duc hyt yn|drỽs y neuad. ac a|dywaỽt ỽrthaỽ. tric di yma heb

hi ac aro. ti a|wely pa delỽ y bydaf uarỽ i o|th achaỽs di. Ac yna

hi a|erchis y rei o|e niuer daly bỽrt yno. a|hitheu a|aeth y benn y

gaer. a|chyt a hi deudec o vorynyon. Ac yna vn o|r morynyon a|dy*+

aỽt. bỽrt heb hi yr duỽ tosturya ỽrthym ni oỻ a chenattaa y|n

harglỽydes ni y hewyỻys. ac ony wney di hynny nyni a|ymoỻ+

yngỽn oỻ ody yma y dorri an mynygleu ygyt a|n arglỽydes

rac edrych ar y hangheu hi. ac o gedy ditheu yni oỻ varỽ am beth

kyn vychanet a|hynny ny wnaeth marchaỽc urdaỽl eiryoet i

pỽngk vilyeinyach. Ac ynteu a|edrychaỽd arnunt ỽy ac a vu dost

ganthaỽ eu gỽelet ual|hynny oblegyt eu|bot yn wraged bonhe+

digyon. ac ny thosturyaỽd ef ỽrthunt ỽy yn|gymeint ac na|bei

weỻ ganthaỽ ef coỻi o·honunt ỽy eu heneidyeu noc o·honaỽ ef.

ac ef a|dywaỽt ỽrthunt na wnaei ef dim yrdunt nac yr coỻi y

eneit nac yr y|gael. Ac ˄ỽynteu yna a|syrthyassant o|r tỽr y|r ỻaỽr.

A phan weles ynteu hynny ryued uu ganthaỽ. a|dyrchaf˄el y laỽ