LlGC Llsgr. Peniarth 18 – tudalen 35v
Brut y Tywysogion
35v
gantaỽ hynny o logeu rodi rodyon a|oruc y|logeu
dulyn a|e gollỽg dracheuen. Ac ynteu a|e lu a|ym+
hoelaỽd dracheuen y|loegyr. Yn|y ulỽydyn honno
y|kyrchaỽd yr arglỽyd rys caer aber teiui a|e cha+
stell ac y|torres ac y|llosges a diruaỽr anreith a
duc. Ac achup castell kilgerann a|oruc a|dala ro+
bert ysteuyn a|e garcharu. Yn|y ulỽydyn honno
drỽy gennat duỽ ac annoc yr yspryt glan y|deu+
th cofent o|vynych y|ystrat flur gynntaf. Ac y+
na y|bu uarỽ llywelyn ap oỽein gỽyned y|gỽr a ragores
mod paỽb o deỽrder. ar deỽred o|doethinep. ar|doeth+
ineb o|ymadraỽd ar ymadraỽd o voesseu. Yn|y
ulỽydyn racỽyneb y deuth y|ffreinc o|benuro ar
flemissỽyr y|ymlad ynn gadarnn a chastell kil+
gerann. A gỽedy llad llaỽer o|e gỽyr yd ymhoelassant
A|chilgerran yn|ouer hep gael y castell. Yn|y ulỽy+
dyn honno y|distryỽyt dinas bassin y|gann yỽein ỽy+
ned. Ac yn|y ulỽydynn honno y|gỽrthladỽyt dier+
mit uap mỽrthach. o|e gyuoeth ac yd aeth hyt
yn normandi at urenhin lloegyr y eruyneit idaỽ
y|dodi yn|y|gyuoeth dracheuen ỽedy cỽynaỽ
ỽrthaỽ. Ac yn|y ulỽydyn honno y|gỽrthladỽyt ior+
uerth goch ap maredud o|e gyuoeth ymochnant y
gann y|deu yỽein. Ar deu yỽein hynny a|rannassant
vochnant y|rychtunt. Ac y|doeth mochnant vch
rayadyr y yỽein kyueilaỽc. A mochnant is ray+
| « p 35r | p 36r » |