LlGC Llsgr. Peniarth 190 – tudalen 101
Ystoria Lucidar
101
discipulus|Beth a rymha oleỽ y|r dynyon gỽeinyon. Magister
Peth maỽr. pechodeu a|gyffesser. ac ny wnel+
er yr eilweith. neu y rei penytyaỽl a uadeuir
drỽy yr ireit hỽnnỽ. megys y dywedir. Ot
ydiỽ ym|pechodeu. ac yn ediuar ganthaỽ ỽynt
a uadeuir idaỽ. o·nyt ediuar. ny rymha dim
idaỽ nac y neb. discipulus a rymha ediuarỽch yn|y di+
wedglỽm. Magister Pỽy bynnac a annotto kymryt
ediuarỽch am y bechodeu. nyt ỽyntỽy yssyd
yn ymadaỽ a|r pechodeu. namyn y pechodeu
ac ỽyntỽy. kanny mynnant ỽynt yn wisson*
udunt hỽy no hynny. Pỽy|bynnac ynteu a
vo ediuar ganthaỽ o wir gaỻon yn aỽr ang+
heu. ef a|geiff trugared heuyt yna. megys
y kafas y ỻeidyr yn|y groc. ac am hynny y
dywedir. Pa aỽr bynnac y dotto pechadur u+
cheneit ef a vyd iach. discipulus Y gan pa beth y dyw+
edir angheu. Magister Y gan chwerỽerwed* neu y gan
dameit yr aual gỽahardedic o|r ỻe y doeth ang+
heu. a thri ryỽ angheu yssyd. vn an·amsera+
ỽl. megys angheu y dynyon bychein. ac angheu
chwerỽ. megys angheu y dynyon ieueingk. ac
| « p 100 | p 102 » |