LlGC Llsgr. Peniarth 190 – tudalen 170
Ymborth yr Enaid
170
nac yn gyfrad ac ef. Kynhennu neu ym+
serthu yỽ. ỻefaỽr a bloedgar gynghaỽssed
yn erbyn y wirioned. Anodef yỽ. an·wahard
teruysgus gyffro gỽyỻtineb medỽl heb y
ffrỽynaỽ. An·vuuddaỽt yỽ. anostỽng
y brelatyeit neu y vchafyon ar|y kymene+
diỽeu. Tremyc yỽ. gỽeỻygyaỽ. neu waỻus
ebryvygu gỽneuthur yr hynn a|dylyer y
wneuthur yn rỽymedic. Rac·ymgymryt
yỽ. gomed dylyedus anryded y brelatyeit
neu y henafyon. Keỻweir yỽ. afreolus
ymgeinyaỽ keỽilydyus drỽy chwaryus
wattwar. ac yn bennaf pan wneler hynny.
yn|erbyn y creaỽdyr. Geu gredyf yỽ. cudyaỽ
gwarchaedigyon wedieu drỽy gamardan+
gos nerthussyon gampeu heb eu bot.
Traỻafaryaeth neu draỻyvyrder yỽ. ar+
dangos ysgavynryỽd* medỽl drỽy ormod
goỻỽng tra gorwagyon ac ynvydyon
barableu. Tra·achub yỽ. tra·chwant y ga+
el anryded yr clot. tranghedic. Gorwacrỽyd
| « p 169 | p 171 » |