LlGC Llsgr. Peniarth 31 – tudalen 23r
Llyfr Blegywryd
23r
eu tystolyaeth megys y|tystỽyt udunt. Os tyg+
ant ac na|s llysser ỽynt; yr haỽlỽr a or·uyd.
O|r pallant ỽynteu; yr amdiffynỽr a oruyd.
Hyspys yỽ may guedy llỽ y dyly yr amdi+
ffynỽr llyssu tyston. Os kyn llỽ y llyssa; y
dadyl a gyll. Tri achaỽs yssyd y lyssu tys+
ton; ỽn yỽ galanas heb ymdifỽyn. Eil yỽ
o uot dadyl am tir y·rydunt heb teruynu.
Tryded yỽ camarueru o vn o·honunt o wreic
y llall. Os eu llyssu a ellir; palledic uydant.
Ony ellir tyston diball uydant. Tyston a ellir
eu gỽrthneu pan dechreuỽynt eu tystolyaeth
oc eu seuyll; megys na bo reit eu llyssu. Ac ue+
lly gỽybydyeit. nyt amgen no thrỽy obyr. neu
truy eu bot yn gyfranaỽc ar yr hyn y bo y
dadyl ymdanaỽ. neu o torri syd* yn gyuadef.
neu anudon kyhoydaỽc. neu o letrat kyuad+
ef. neu o|e uot yn ysgymun ge r y enỽ. O|r gell+
ir proui hynny trỽy wlat; eu gỽrthneu a ffyn+
ha. yg kyfreith rỽuein y keffir; y lle nyt enwer
rif tyston; digaỽn yỽ deu tyst. Y kyfreith hon
a dyweit; nat cỽbyl tystolyaeth vn tyst.
Naỽ dyn yssyd yssyd* a gredir pop vn yn dỽyn
tystolyaeth gan tyghu. kyntaf yỽ arglỽyd rỽg
| « p 22v | p 23v » |