LlGC Llsgr. Peniarth 32 (Y Llyfr Teg) – tudalen 232
O Oes Gwrtheyrn Gwrthenau
232
ỽloythyn nessaf yr ỽn y gwahardỽyt yr yffereneu
yt aeht* ỻywelyn ab iorwerht a hywel y uab y+
gyd a ieuan urenhin ỻoegyr hyd ym brydyn
y darestỽc brenhin prydyn y ieuan
urenhin ỻoygyr nos·ỽyl simỽnd a iuda yn|y ỽloẏ+
thyn honno y doeht* ystiward ỻys brenhin ỻychlyn.
herlaut pic y|enỽ a|chweych* herỽlog gantaỽ hyd
yn ỻanuaes ẏ ẏspeilaỽ y tref a|e ỻosgi a e ỻas her+
laut pic a|e|oreugwr. Ac ẏn|ẏ|ỽloythin rac·ỽyneb
ẏ* aeth ieuan urenhin y ẏwerthon ac ẏ doeth rỽndỽlf
iaryỻ caer dycanỽy yn erbyn ieuan urenhin ac
a|ymlatyssei ac ef yno ac a|gauas dycanỽy gwedy ẏ
thorri o lywelyn rac ieuan urenhin ac y cadarnhaỽys
rỽndỽlf dycanỽy o wẏt yscubaỽr. y creudyn. Y
ỽloythyn rac·ỽyneb. y doeth ieuan urenhin a dẏgẏ+
uor freinc a ỻoygyr a prydyn hyd yn|aber ac yd|e+
ỻygỽys y brabanseid. y losgi bangor. Ac yna yd
adalasant Robert esgob ac y|dugant y|gharchar
hyd pan ẏ rydhaỽẏs ẏ brenhin yr esgob. Ac ẏna
ẏ kymodes ỻywelyn a|r brenhin ac e rodes gruffut
y uab y|gwystyl a|phewar* gwystyl arr|igeint* o
ueibyon gwyrda y|am hyny ac yd ymhoeles y bren+
hin dracheuyn y loygyr. y ỽloythyn rac·ỽyneb
nos sadỽrn sulgwyn. y bu ỽarỽ Maredut ab kẏ+
nan. Pum mlynet y bu grufut ab ỻewelyn ẏ
gharchar ieuan urenhin ac ẏna o nerth duỽ
| « p 231 | p 233 » |