LlGC Llsgr. Peniarth 33 – tudalen 143
Llyfr Blegywryd
143
ac ẏn|ẏ mod hỽnnỽ ẏ|bẏd dros westua.
ẏ|brenhin ẏ garaf* ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
P Edeir rantir a|uẏd ẏnn|ẏ tref
ẏ|talher gwestua brenhin o+
honnei. ~ Pan dalher gỽestua haf. nẏ
thelir nac arẏant nac bran*. ẏ|gwes+
tua haf ẏ telir petwar daỽn·bỽẏt.
kic ẏch heb ẏ amẏscar. Dros tri ̷
daỽn·bỽẏt ẏr haf ẏ|telir ẏ|uuch.
Dros ẏ petwerid ẏ|telir maharen
teir blỽẏd. bras. A|hỽch tri|gaẏaf tri
bissic. Y|tref a|dẏlẏ dỽẏn ẏ rei hẏn+
nẏ oll ẏ|r brenhin. A|chẏnneu tan
teir nos. a|thri dieu idaỽ. Deu
daỽn·bỽẏt a|dẏlẏ ẏ brenhin ẏ|gaff+
el ẏ|gan ẏ|bilaeineit pob blỽẏdẏn
Messur hẏn ẏỽ; hỽch tri bẏssic ẏn+
n|ẏ hẏsgỽẏdeu. ac ẏnn|ẏ heis. ac
ẏnn|ẏ chlunẏeu. ac anherob* o gic
hallt. ~ A thri vgeint torth o|vara
gỽenith; A|whech ohonnunt ẏn
beiỻeit. ~ Pedeir ẏ|r neuad. A|dỽẏ
ẏ|r ẏstauell. o|r tẏf gỽenith ẏno.
A* onnẏ thẏf. bẏut* geirch ẏ|bara
| « p 142 | p 144 » |