LlGC Llsgr. Peniarth 36A – tudalen 22r
Llyfr Blegywryd
22r
weus; whe bu a wheugeint aryant a| tal
pob vn o hynny. Or trychir clust dyn ym ̷+
eith. a chlybot or dyn arnaỽ mal kynt.
dỽy uu a deu vgeint aryant a tal. Gỽerth
bys dyn; buch ac vgeint aryant. Gỽerth
y vaỽt; dỽy uu a deu vgeint aryant a| tal.
Keilleu kymeint yỽ eu gỽerth a gỽerth
yr aelodeu vry oll. Tauaỽt e hunan;
kymeint yỽ y werth a gỽerth yr aelodeu
vry oll. Sef a| tal holl aeloedeu dyn pan
gyfrifer y gyt; ỽyth punt a phetwar
vgein punt. Pedeir ar| hugeint yỽ
gỽerth gỽaet pob ryỽ dyn. Dec ar| hu+
geint vu werth gỽaet crist. ac anheil ̷+
ỽg y gỽelat vot gỽaet duỽ a gỽaet dyn
yn vn werth. Ac ỽrth hynny gỽaet dyn
yssyd lei y werth. Gỽerth racdant dyn.
pedeir ar| hugeint gan tri drychafel.
Gỽerth kildant dyn dec a deu vgeint
aryant. Pan talher racdant gỽerth
creith o gyfarch a telir gantaỽ. Gỽerth
creith o gyfarch ar ỽyneb dyn; whe
| « p 21v | p 22v » |