LlGC Llsgr. Peniarth 36A – tudalen 65r
Llyfr Blegywryd
65r
neb ae llatho. Tri phryf y dyly y brenhin
eu gỽerth py tu bynhac y llather. llost ̷+
lydan. a beleu. a charlỽnc. kanys oc eu
dillat y gỽneir amaerỽyeu y dillat y bre ̷+
nhin. Tri pheth ny at kyfreith eu dam ̷+
dỽg. blaỽt. a gỽenyn. ac aryant. kanys
y kyffelyb a geffir yrdunt. Tri phren
yssyd ryd yn fforest y brenhin. pren crib
eglỽys. a phren peleidyr a wnelher reit
y brenhin o·honunt. a phren elor.
TRi chehyryn canhastyr yssyd. Vn yỽ
lletrat. y fford y kerdho ran a chyfran
o·honaỽ. kanys naỽ affeith yssyd idaỽ. Eil
yỽ; hyd brenhin. Pỽy bynhac a wnel cam
ymdanaỽ. Trydyd yỽ a·bo bleid. y neb a
wnel cam ymdanaỽ. Tri pheth a tyrr
ar gyfreith. amot. a defaỽt gyfiaỽn. ac
agheu. Tri edyn ny dylyir eu llad heb
ganhat. ar tir dyn arall. eryr. a garan.
a chicuran. y neb ae llatho talet dec a deu
vgeint aryant y perchen y tir Tri pheth
| « p 64v | p 65v » |