LlGC Llsgr. Peniarth 36B – tudalen 25
Llyfr Blegywryd
25
ef ae plant. A phryder y rei hynny
heuyt a perthyn y uot arnaỽ ef.
Pryder plant y lladetic a perthyn y
uot ar y ryeni ae gyt etiuedyon
a|gaffant trayan y alanas. a gỽeth*
sarhaet. Ac ỽrth hynny ny thal eti+
ued vn ohonunt. ac nyt erbynya
dim o alanas. Or byd kar yr llofrud
neu yr lladedic yn ỽr eglỽyssic rỽy+
medic ỽrth vrdeu kyssegredic. neu
ỽrth greuyd. neu glafỽr. neu uut
neu ynuyt ny thal ac nyt erbyn ̷+
ya dim dros alanas. ny dylyir gỽ ̷+
neuthur dial ar vn or rei hynny
dros alanas. ac ny dylyant dial ỽynteu
neb a|lather. ac ny ellir eu kym ̷+
hell o vn fford y talu neu y erby ̷+
nyaỽ dim dros alanas. Tri
dygyngoll kenedyl ynt. vn yỽ
dechreu o wely·gord talu galanas
| « p 24 | p 26 » |