LlGC Llsgr. Peniarth 36B – tudalen 40
Llyfr Blegywryd
40
werth. Ac os bri duỽ a watta;
e|hunan a watta ar seith allaỽr
gyssegredic neu seith weith ar
ar* vn allaỽr Os talaỽdyr a|watta
mach gỽadet ar y seithuet or dyn ̷+
nyon nessaf y werth. Os mach
a watta ran oe vechni. ac adef ran
arall. ef e|hunan a tỽg vn weith.
Pỽy bynhac a prynho da y gan
arall. ac a uo mach e|hunan dros
y|gỽerth. ae uarỽ kyn talu ac a
daỽ y da gan gedymdeithon. yr
haỽlỽr a dyly tal or da hỽnnỽ. ka ̷+
nys y marỽ a uu vach kynnogyn
idaỽ bieowed* y da. Ef a dyly tygu
ar y seithuet or dynnyon nessaf
y werth ar ved y talaỽdyr or di ̷+
chaỽn y gaffel. Ac onys dichaỽn
ar allaỽr gyssegredic gỽerthu
o·honaỽ y da hỽnnỽ idaỽ. A bot
hỽnnỽ yn vach kynnogyn idaỽ
| « p 39 | p 41 » |