LlGC Llsgr. Peniarth 36B – tudalen 55
Llyfr Blegywryd
55
ryt y vam o rod kenedyl. A chaffel
y mab arall. ny dyly hỽnnỽ kyfranu
tir ar mab a gahat kyn noc ef. yn
llỽyn ac ym|perth. Yr eil yỽ kymryt
o yscolheic wreic o rod kenedyl. a chaf ̷+
fel mab oheni. ac odyna kymryt or
yscolheic vrdeu offeiradeth. Ac ody+
na kaffel mab or vn wreic or effei ̷+
rat. ny|dyly y|mab a|gahat kyn noc
ef kyfrannu tir a hỽnnỽ. kanys yn
erbyn dedyf y kahat. Trydyd yỽ
mut. kany dyly tir nyt atteppo
drostaỽ kany rodir gỽlat y vut.
Tri dyn a|gynnyd eu breint yn
vn dyd. Tayaỽctref y kysseccrer
eglỽys yndi gan ganhat y brenhin.
dyn or tref honno a uei y|bore yn
tayaỽc ar nos honno yn ỽr ryd.
Eil yỽ dyn y|rotho y brenhin vn or
pedeir sỽyd ar|hugeint llys breinhyaỽl
| « p 54 | p 56 » |