LlGC Llsgr. Peniarth 37 – tudalen 5r
Llyfr Cyfnerth
5r
reuho rannu y bỽyt yny gaffo y
dyn diwethaf y rann. ~ ~ ~ ~ ~ ~ ~ ~ ~ ~ ~ ~
NAỽd medyd yỽ or pan dechreuho
kerỽyneit ued hyt pan y cudyo.
Naỽd y trullyat yỽ Or pan estyn+
her y fiol gyntaf hyt pan peit+
ter ar diwethaf.
NAỽd y medyc yỽ Or pan gymer+
ho canyat y brenin. y ouỽy claf
hyt pan del yr llys dracheuyn. ~ ~
NAỽd dryssaỽr neuad yỽ canhe+
brỽg dyn hyt y ureich ae wia+
len parth ac at y portaỽr Canys
NAỽd y porthaỽr yỽ [ ef ae gỽrthuyn.
cadỽ dyn yny del y penteulu
yr porth pan el yỽ lety. Ac yna ker+
det y naỽdỽr yn diogel hyt pan
adaỽho y| dyn diwethaf y llys.
| « p 4v | p 5v » |