LlGC Llsgr. Peniarth 46 – tudalen 314
Brut y Brenhinoedd
314
y gỽyr hynny. kyrchỽrch in* ỽynt. a|chyỽar+
sangỽch ỽynt. a|chymerỽn eu heur a|e har+
yant. a|e kestyll. a|e tir. a|e golut. ac yna y
dyỽat paỽb o|diheỽyt eu bryt y|godeuynt
agheu drostaỽ ef o|r bei reit yn gynt no|e a+
A |Gỽedy gỽybot o amheraỽdyr ru +[ daỽ.
uein y|urat yd|oedit yn|y ỽneuthur
yny* y|dyỽat ynteu yn|y ỽed honn.
Eỽychỽi tadeu anrydedus y|gỽyr a|dyly o|r|dỽ+
yrein hyt y golleỽin. Coffeỽch ych|ryeni y
gỽyr ny ochelynt ellỽg y|gỽaet yn am ̷+
diffyn arglỽydiaeth ruuein. Canyt oed
agheu clotuorach y|dyn no|r honn a|delhei
ydaỽ yn amdiffyn y|ỽlat. ac ỽrth hynny
yd annogaf|i ychỽi galỽ attaỽch ych grymus
leỽder y|ymerbynneit a|ch gelynyon yn|y
glynn hỽnn. y|gymell arnadunt yr hynn
a|geissant hỽy y|gennỽch. kyrchỽn. i. ỽynt
a|diodefỽn yn|da. canys deuaỽt yỽ pỽy|byn+
nac a sauo yn da yn|y gyuranc gyntaf. y
uynet gann uudugolyaeth. a|goruot. ac
yn gyulym gỽisgaỽ a|ỽnaethant y|harueu
a|chyrchu y|glynn ford y|doei arthur a|e lu. a ̷
| « p 313 | p 315 » |