LlGC Llsgr. Peniarth 47 rhan i – tudalen 15
Ystoria Dared
15
arnadunt. a diomides a|e hymlidaỽd hyt
y gaer agamemnon a|duc y|lu ygkylch y|ga ̷+
er a r nos honno yd ymladaỽd a|r ga+
er a gossot gỽyluaeu yn|y|chylch. Tranno+
eth y peris priaf cladu alexandyr yn anry+
dedus ac ellen yn ỽylaỽ ac yn diaspedein
a priaf. a|hecuba yn|y|didanu. ac y+
n y ymgeledu ual merch vdunt e|hun. ac
yn* ac yn erchi idi nat adaỽei uyth
troya ac nat elei y|roec. Trannoeth y
kyỽeiraỽd agamemnon y|lu ygkylch y|pyrth. a
galỽ a|oruc y|groegussyon y|ymlad a|r ga+
er. priaf a|orchymynnaỽd kadarnnhau y
gaer. ac nat elit allann namyn teỽi y+
ny delei penthisilia. a gỽyr amaxo gyt
ac ef yn borth vdunt. a gỽedy hynny y|do+
eth penthisilia. ac y kyrchaỽd a|e lu ynn
erbyn agamemnon. a|diruaỽd* ymlad a|uu
laỽer o|dydyeu. a|r groegussyon a|ffoassant
o|e kestyll ac o abreid y|gallỽys dyomides
ỽrthỽynebu rac llosci eu llogeu. a|distryỽ
eu llu. ac ymgynnal a|orugant yn|y kestyll.
| « p 14 | p 16 » |