Rhydychen, Llsgr. Rawlinson B 467 – tudalen 5r
Rhinweddau Bwydydd
5r
y|r kylla. peri pissaỽ a|ỽna a|thorri
maen tosted. O berỽir da vyd rac
pyssychu gỽlybyraỽc. da vyd aruer
o·nadunt kyn bỽyt y beri chỽydu. Ac
yr ymborth onadunt ỽedy bỽyt y
kymerir. llehau mygedord a|gyuotto
y vyny a|ỽnant a|e estỽng y|ỽaret y
verỽi ac y dodi val y mae reit. Yr ỽy ̷+
ynỽyn gỽressaỽc yỽ yn|y rad gyntaf
a|sych ychydic hagen yndunt chỽyd
a dolur ym penn a|ỽna. ỽrth hynny reit
yỽ eu henllynnỽ gyda gỽin·egyr neu
laeth. Y garllec gỽressogach vyd no|r
ỽynỽyn gỽres a|ỽna yn|y corff. a|thost
yỽ. ac o berỽir. ỽynt a|gollant eu gỽres.
a|gỽell vydant velly meỽn diaỽt noc
kymer yr ymyl hỽnt y|r dryded
talen.
| « p 4v | p 5v » |