Llsgr. Bodorgan – tudalen 18
Llyfr Cyfnerth
18
Ran gỽr a geiff o aryant y gỽestuaeu.
Dryssaỽr ystauell a geiff gỽiraỽt gyfreith+
aỽl o|r llys. A ran o aryant y gỽestuaeu.
Dylyet y pen gỽastraỽt yỽ kaffel croen
ych y gay af. a chroen buch yr haf
y wneuthur kebystreu y veirch y brenhin
A hynny kyn rannu y crỽyn rỽg y distein
ar sỽydogyon. Ran deu·ỽr a geiff o aryant
y gỽastrodyon. Pengỽastraỽt ar gỽastrody+
on a gaffant yr ebolyon gỽyllt a del yr bren+
hin o ran anreith. Ef bieu estynnu pop
march a rotho y brenhin. pedeir keinhaỽc
a geiff ynteu o pop vn eithyr o tri. March
yr offeirat. A march yr ygnat llys. Ar march
a rother yr croessaneit. kanys rỽymaỽ a
wneir troet y gebystyr ỽrth y dỽy geill. Ac
uelly y rodir. Pen gỽastraỽt a ran lletyeu
yr meirch ae hebranneu. Trayan dirỽy
a chamlỽrỽ y| gỽastrodyon ereill a geiff.
Kebystyr a dyry ef gyt a phop vn o|r meirch
a rotho y brenhin. Ef bieu capan y brenhin
ae ysparduneu o|r bydant eureit neu ary ̷+
anheit neu euydeit. Ef heuyt a geiff hen
gyfrỽyeu amỽs y brenhin ae hen frỽyneu
| « p 17 | p 19 » |