Llsgr. Bodorgan – tudalen 87
Llyfr Cyfnerth
87
y vynet gỽynt yndunt hyt galan gayaf.
Ac o|r daỽ yscrybyl vdunt yn hynny o am+
ser; talet eu perchennaỽc eu llỽgyr. Ac o
hynny allan ony byd bangor ar y cant
yn tri lle ar y kant; ny thelir y llỽgyr a
wnelher yndi.
ODyn biben brenhin; wheugeint
a tal o|r byd ty kyfreithaỽl oduchti.
Odyn biben breyr o|r byd ty kyfreithaỽl
oduchti; trugeint a tal. Odyn biben ta+
yaỽc brenhin; dec ar hugeint a tal o|r byd
ty kyfreithaỽl oduchti. Odyn biben
tayaỽc breyr; pedeir ar hugeint a tal o|r
byd ty kyfreithaỽl oduchti. Pop odyn
ny bo odyn biben; hanheraỽc uyd ar y
rei gynt herwyd breint eu perchenno ̷+
gyon. Y neb a gyneuho tan yn odynty
ony chymer ffyd y gan arall ar diffodi
y tan yg gỽyd tyston. neu ar y vot yn
diwall kyn y adaỽ. kymhỽys uyd y gỽall
y rydunt kan kyt talant. Y ty kyntaf
a loscer yn| y tref o walltan. talet y deu
ty gyntaf a ennynho gantaỽ. Deu
hanher uyd y collet rỽg y neb a rotho y
| « p 86 | p 88 » |