LlGC Llsgr. 24049 (Boston 5) – tudalen 68
Llyfr Blegywryd
68
an geueil trefgord. a|vo naỽ cam ẏ|ỽrth
ẏ tref. a|tho banadẏl. neu tẏwarch arnei.
TRi edẏn ẏ|dẏlẏ ẏ brenhin eu gỽerth
pẏ|tut* |bẏnnac ẏ|llather. Hebaỽc. A gỽa+
lch. A|chicuran. Perchennaỽc ẏ|tir ẏ|ll+
ather arnaỽ a|dylẏ dec ar|hugeint ẏ
gan ẏ|neb a|e lladho. TRi phrif ẏ|dẏ+
lẏ ẏ brenhin eu gỽerth pẏ|dut* |bẏnnac
y|llather. LLostlẏdan. A beleu. A charllỽg.
kannẏs ohonunt ẏ|gỽneir amarwẏ+
eu ẏ|dillat ẏ brenhin. TRi pheth ny at
kẏfureith eu damtỽg. Blaỽt. a gwenẏn
Ac arẏant bath. kannẏs kẏffelybrỽ+
ẏd a|geffir vdunt. TRi phren ẏssẏd r+
ẏd eu llad ẏn fforest brenhin; Pren crip
eglỽẏs. A phren peleidẏr a|ỽnelher reit
y|brenhin ohonunt. A phren elor. ~ ~ ~
T Ri chehẏrẏn canhastẏr ẏss+
ẏd; vn ẏỽ. lletrat ẏ|fford ẏ
kertho kẏuran ohonaỽ. Ka+
nẏs naỽ affeith ẏssẏd idaỽ.
Eil yỽ; hẏd brenhin. pỽẏ|bẏnnac a|ỽnel
cam ẏmdanaỽ. Trẏdẏd yỽ; a·bo bleid.
ẏ neb a|ỽnel kam ẏmdanaỽ. TRi ph+
eth a tẏrr a gẏfreith; Amot. A|deuaỽt
| « p 67 | p 69 » |