LlB Llsgr. Cotton Cleopatra A XIV – tudalen 87r
Llyfr Cyfnerth
87r
kyfreith anudon a| uyd arnaỽ os yn gyho ̷+
edaỽc y tỽg. nyt amgen tri buhyn camlỽ ̷+
rỽ yr brenhin. A chymeret ynteu y penyt
am yr anudon. Ar llall or byd tyston gan+
taỽ y da a| geiff.
E Neb a| talho galanas or byd y genedyl
oll yn vn wlat ac ef cỽbyl talu a| dy ̷+
ly erbyn pen y pytheỽnos or byd y gened ̷+
yl ynteu yn wascaraỽt* y|guladoed llawer
oet pytheỽnos a|dyly yg|kyueir pop gulat.
Ual hyn y telir guascar alanas punt
uyd ran braỽt. Wheugeint ran kef+
ynderỽ. Trugeint ran kyferderỽ. Dec ar
hugeint ran keiuyn. Pymthec yỽ ran
gorcheiuyn. Seith a dimei ran gorchaỽ.
Nyt oes priaỽt ran na phriaỽt enỽ ar
ach pellach no hynny. Ran tat o alanas
y uab. keinhaỽc. Vn gyfreith yỽ yny ky ̷+
merher ran o alanas ac y talher. Rac
colli kerenhyd hyny diwatter keinhaỽc
paladyr a geffir. Ny thal kenedyl sarhaet
| « p 86v | p 87v » |