LlB Llsgr. Cotton Titus D IX – tudalen 47r
Llyfr Blegywryd
47r
Nyt cỽbyl vn amdiffynn ac nyt palledic
hyny el deturyt gỽlat ymdanaỽ rỽg yr ha*+
ỽlỽ a|r amdiffynnỽr gan tygu yn dylyedus
y|vot yn wir. neu nat gỽir. ac yno heuyt
y|dyly y|brenhin gymell y wir* y|r creir y ̷ ̷
tygu y deỽis. LLe y|perthyno deturyt gỽlat
gỽyr y|llys oll bieu tygu eithyr y|rei a|allo
y kynnhenusson eu llys o gyureith.
P Eideir* taryan yssyd; a|gerdant
yn llys rỽg kynnhenusson a|reith
gỽlat. neu deturyt gỽlat meg+
ys cadỽ gỽestei am letrat kyssỽyn.
a chadỽ kynn coll. a geni a|meithrin am
gỽaessaf. neu treis. neu agkyuarch heb
treis. a|heb letrat. ac nyt cỽbyl ỽrtheb.
ac nyt cỽbyl diheuraỽ. ac nyt cỽbyl am+
diffynn vn o|r teir kyntaf y|neb a|e caffo.
namyn canhorthỽy mal y|bo haỽs y|gredu
trỽy y|taryan a gaffo no hebdi. ac velly
galỽ gwarant. nyt cỽbyl ỽrtheb. nyt
cỽbyl diogelrỽyd. namyn keissaỽ neb vn
a|ỽrtheppo drostaỽ. ac a|wnel cỽbyl drost+
aỽ. ac vrth hynny pỽy|bynnac a|gaffo
gỽarant sauent ell|deu y·gyt ỽrth gyfreith
yn|y llys hynny teruynho y|dadyl oll tr+
ỽy varnn yrydunt a|r haỽlỽr. kany ellir
| « p 46v | p 47v » |