Llsgr. Caerdydd 1.363 (Hafod 2) – tudalen 52r
Brut y Brenhinoedd
52r
talỽ gwastat wassanaeth yr rỽueynny+
aỽl telygdaỽt. Ac eyssyoes yaỽn yw
yn kyntaf erchi. ỽdỽnt talỽ teyrnget
y wyr rỽueyn kyn eỽ llaffỽryaw nac ym+
lad ac wynt. megys y mae yr holl kenedl+
oed ereyll. o. amgylch y byt yn talỽ teyrnget
ỽdỽnt a darestyghedi·gaeth y sened rỽu+
eyn. rac kodi. o·honam nynheỽ hen vonhed
pryaf yn hen·tat ni. a|e hen delyctaỽt. kan
ellwng eỽ gwaet wynteỽ megys y maent
yn kereynt ynn. Ac gwedy anỽon o wlkessar
yr amadrodyon hynn y meỽn llythyr hyt at
kasswallaỽn llydyaỽ yn ỽaỽr a orỽc ynteỽ. ac
anỽon llythyr|hyt at Wlkessar ar geyryeỽ hynn
KAsswallaỽn brenyn y bry +[ yn y llythyr.
tanyeyt yn anỽon annerch y Wlkessar y
gyt ar amadraỽd hwnn. Anryỽed yw Wlkessar
meynt chwant a chybydyaeth Gwyr rỽueyn
kanys rac meynt sychet arnadỽnt eỽr ac|a+
ryant na allant dyodef en bot ni megys ody+
eythyr y byt yn dyodef perygleỽ yr eygyaỽn
| « p 51v | p 52v » |