Llsgr. Caerdydd 3.242 (Hafod 16) – tudalen 75
Rhinweddau Bwydydd
75
kanys ỻei y chỽydant a haỽs vyd eu todi. Goreu amgen
vydei bop un ohonunt gyt a phybyr a chỽmin neu ryỽ
vraster. Os eu pobi a|wneir. ỻei vyd eu chỽyd a|e mygo+
dorth dyeithyr anhaỽs vyd eu todi. O|r byrir dỽfyr amgen
arnunt gỽedy pober a|e bỽyta gyt a chỽmin neu uintan
ỽynt a|goỻant eu caledi. O|berwir ỽynteu drỽy eu|risc
myỽn gỽinegyr. da vydant rac darymret a chỽydu. a|e
rudyon ỽynteu wedy kymysger ac almys ac a ffudeur
a|vyd da rac pessychu. a chyuyngder dỽy·vronn ac ysgeue+
int. Pys; oer ynt yn|yr|eil|rad. a|sych yn|y|dryded. gỽaet ̷
drỽc a vagant. o|r mynny|ditheu eu hardymheru ỽy;
kymer. rei maỽr o·honunt a vyd newyd a|aỻer eu berwi
yn haỽd neu eu golchi. a berwer ias arnunt myỽn dỽ+
fyr. a gỽedy byrych hỽnnỽ ymeith. berỽ ỽynt myỽn dỽ ̷+
fyr araỻ. ac yna bỽytaer ỽynt gyt a vinegyr. ac origan
a mintan a chỽmin ac oleỽ neu gic ir bras. Meib; gỽres+
saỽc a|gỽlyboraỽc ynt. bỽyt trỽm ynt. a|chỽydaỽ a|wn+
ant. maỽr y magant. a gỽanegu ymrein a|wnant. ac
o berwir yn da myỽn dỽfyr a bỽrỽ hỽnnỽ ymeith. a|e
berwi eilweith drỽy gic bras; yna y|magant yn|da ac
y|gỽnant gnaỽt medal chỽydedic. Llysseu gỽydelic
gỽressaỽc ynt yn|y|dryded rad. a sych yn|yr eil|rad. gol ̷+
chi yr arenneu a|r chỽyssigen a|wnant. Magedigaeth
maỽr ynt. kalet ỽrth eu todi. ac argywedus y|r kyỻa.
peri pissaỽ a|wnant a thorri maen tosted. o|r berwir da
ynt rac pessychu gỽlyboraỽc. Da vyd aruer o·ho ̷+
nunt kynn bỽyt y beri chỽydu. ac y|r ymborth ohonunt
| « p 74 | p 76 » |