LlB Llsgr. Harley 4353 – tudalen 20v
Llyfr Cyfnerth
20v
nyt amgen y gar. A telir o naỽ mu a naỽ vge ̷+
int mu gan tri drychafel. Yn| y sarhaet y
keiff naỽ mu a naỽ vgeint aryant. Gala ̷+
nas breyr dissỽyd o whe bu a whe vgeint
mu gan tri drychafel y telir. Y sarhaet a| te ̷+
lir o whe bu a whe vgeint aryant. Galan ̷+
as bonhedic canhỽynaỽl a telir o teir bu a
thri vgeint mu gan tri drychafel. Y sarha ̷+
et a| telir o teir bu a thri vgeint aryant. ky+
mro vam tat vyd bonhedic canhỽynaỽl.
heb gaeth a heb alltut a heb ledach yndaỽ.
Os gỽr breyr a uyd bonhedic canhỽynaỽl
pan lather; whe bu a geiff y breyr o|r alanas
y|gan y llofrud. U*|r brenhin y daỽ trayan pop
galanas. kanys ef bieu kymhell y lle ny
allo kenedyl gymhell. Ac a gaffer o da o|r
pryt y| gilyd y|r llofrud; y brenhin bieiuyd.
Galanas tayaỽc brenhin a telir o teir bu a
thri vgein mu gan tri drychafel. Y sarhaet
yỽ teir bu a| thri vgeint aryant. Galanas
tayaỽc breyr; hanheraỽc uyd ar alanas tay ̷+
aỽc brenhin. Ac uelly y sarhaet. Galanas
alltut brenhin; a telir o teir bu a thri vge ̷+
in mu heb drychafel. Y sarhaet yỽ teir bu
heb ychwanec. Galanas alltut breyr; han ̷+
| « p 20r | p 21r » |