LlB Llsgr. Harley 958 – tudalen 27v
Llyfr Blegywryd
27v
nunt ẏn ennẏỻ nac ẏg coỻet nẏt amgen.
cỽẏn. a deissif. Ac atteb. Pỽẏ bẏnhac a gollo
peth trỽẏ vraỽt tremẏc. ef a dichaỽn rodi gỽ+
ẏstẏl ẏn|ẏ erbẏn pan ẏ mẏnho o vẏỽn vn
dẏd a blỽẏdẏn ẏn|ẏ ulỽẏdẏn gẏntaf ẏ kaffo
ef iaỽn ẏ gan ẏ brenhẏn. a|r braỽdỽr a rodes
ẏ varn ẏn seuẏỻ ỽrth gẏfreith trỽẏ ẏ veint
amser. hỽnnỽ. Os o vẏỽn ẏr amser hỽn+
nỽ ẏd ẏmỽẏstla ef ẏn erbẏn ẏ varn. ef a
dẏlẏir eturẏt idaỽ ẏ hoỻ goỻet ẏn diohir.
Ac ef a dẏlẏ kẏnhal hỽnnỽ ẏn rỽẏmedic
ỽrth gẏfreith. hit pan rother dosparth trỽẏ
lẏfreu kẏfreith ẏ·rẏdhau. a|r braỽdỽr am
ẏ varn tremẏc. megẏs ẏ gỽẏper pỽẏ a or+
ffo neu a orffer. A|r braỽdỽr a dẏlẏ eturẏt
dros ẏ brenhin ẏr hẏn a varnassei y|r brenhin o da hỽnnỽ a|r hẏn a varnassei y ereiỻ
ỽẏnt a dẏlẏant ẏ eturẏt heb amgen poen o+
nẏ oruẏd arnaỽ gỽẏnaỽ racdỽnt val rac ẏ
braỽdỽr. Os ẏ braỽdỽr a oruẏd. atueret ẏ
cỽẏnỽr ẏ da oỻ tracheuẏn. Nẏ hanẏỽ o was+
sanaeth braỽdỽr rodi barn tremẏc. Ac ỽrth
hẏnnẏ nẏ dẏlẏ ẏ brenhin attep dros ẏ vra ̷+
ỽtỽr am ẏr hẏn a wnel ẏ maes o|e wassa+
naeth dẏlẏedus. Tri rẏỽ varn tremẏc ẏs ̷+
sẏd. vn ẏỽ barn a rother ẏn erbẏn dẏn nẏ|s
clẏỽho pan datganher gẏntaf ẏ mẏỽn ỻẏs.
| « p 27r | p 28r » |