Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 68r
Ystoria Lucidar
68r
dach yr holl oeint. Ac o daeoni yr arglỽyd o|veỽn. Ac
odieithyr y arnunt ac y|danunt. Ac yn|y kylch.
Ac o|bop parth vdunt. A gỽelet eu ketymeithon ynn
amyl vdunt pob ryỽ digriuỽch a|drythyllỽch. A
hỽnnỽ yỽ y kyfulaỽn leỽenyd. a hynny yỽ dogyn
o|bop da hep nep ryỽ eisseu. Ti am llennỽeist. i.
o leỽenyd yn ymtynnỽyt hayach y arffet y|nef.
A gỽelet wyneb yr arglỽyd yn|yr wybyr. Ac vrth
hynny llaỽen ỽyf am dy amadrodyon megys y
neb a gaffei yspeil llaỽer. Am y poenyeu. Vrth
hynny megys y keiff y rei yssyd gyfueillon yn
detỽyd y duỽ tragyỽydaỽl o·gonnyant yn|yr ar+
glỽyd. Velle ygỽrthỽynneb y hynny y keiff y|dir+
eidon a|e truein elynnyon ef poenyeu tragyỽyd.
A megys y goleuheir y rei hynn o|r tegỽch mỽy+
af. Velle y byd dybryt y|rei ereill o|r aruthred
mỽyhaf. A megys y|byd ysgaỽn y|rei hynn o|r
weithret oruchaf. Velle y|byd gorthrỽm y|rei
ereill o|r llesged mỽyhaf. A megys y|byd kadarn
y|rei hynn o|r nerth pennaf velle y|byd eidyl y|rei
ereill o|r gỽannder mỽyhaf. A megys y|keiff y|rei
hynn ehang rydit. velle y keiff y lleill kyuyg
geithiỽet. A megys y|keiff y rei hynn drythyllỽch
o|diruaỽr eỽyllys. Velle y keiff y lleill chỽerỽed
o|diruaỽr drueni. A megys y grymhaa y|rei hynn
| « p 67v | p 68v » |