Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 73v
Marwolaeth Mair
73v
na mann. A gỽedy gỽisgaỽ y|hamdo ymdanney yn
deissyuyt y|divlannaỽd y|diruaỽr eglurder ry|uuas+
sei gann y|corff kynn no hynny. megys blodeu y
lili oed liỽ y|hỽynneb. Ac arogleu hynnaỽs anry+
dedus a|gerdei y|vrthi. Odyna pann doeth yr ebes+
tyl y|dodassant y|corff anrydedus hỽnnỽ ar yr elor.
Ac amouyn a|ỽnaeth paỽb ohonunt a|e gilyd.
pỽy a|arỽedei y palym o|vlaen yr elor. hep yr Jeu+
an ebostol vrth beder ti a|e harỽed. kannys yti
y|gỽedha arỽein y|palym a|bot yn|y blaen. Velle
y|gobryneist o|evyrllit dy ffyd yn raculaenu y|th
ebostolaỽl wassanaeth. Peder a|attebaỽd val hynn.
ti·di Jeuan yssyd etholedic ohonam yn wyry y|gann
yr arglỽyd. ar veint rat honno a obryneist dith+
ev penelinnyaỽ arnaỽ y|tra yttoed ar|y|vỽyt.
a|thra yttoed ar|y|groc yr yn yechyt ninhev.
honn a|orchymynnỽys ef yti o|e briaỽt enev ef.
ti a|dylyy aarỽein* y|palym goleuat hỽnnỽ. Ac
arwylyannev gleindit. Ti a|aleỽeist o ỽiraỽt
leuuer. Ac o ffynnyaỽn eglurder tragyỽyd. Am*
minhev a arỽedha yr elor ar corff kyssegredic
arnei. Ac an brodyr y|lleill. an kyt·ebestyl yg|ky+
ylch yr elor bint yn canu molyannev y|duỽ ar+
glỽyd. Minhev hep y|paỽl Jeuaf ỽyf ohonaỽch
a|arỽedaf yr elor ygyt a|thi. A|gỽedy duunaỽ pa+
| « p 73r | p 74r » |