LlGC Llsgr. Peniarth 11 – tudalen 139v
Ystoriau Saint Greal
139v
cret heb·y gỽalchmei mae drỽc yỽ gennyf|i hynny. ~ ~
A R hynny kychwyn ymeith a|oruc gỽalchmei. a marcho+
gaeth yny damchweinyaỽd idaỽ welet casteỻ y myỽn ffo+
rest. ac ar|hynny nachaf y gỽelei gỽr gobrud yn|dyuot o|r cas ̷+
teỻ aỻan y rodyaỽ. ac ederyn ar y|laỽ. ac ym·rassawu a|oru ̷+
gant. a govyn a|oruc gỽalchmei y|r gỽr pa|ryỽ gasteỻ oed yn
ymdangos idaỽ yno. Ac ynteu a|dywaỽt panyỽ casteỻ y mo+
rynyon beilch y gelwit. y rei ny byd gỽiỽ ganthunt ovyn
y vilỽr o|r|byt y henỽ. na neb oc eu|tylwyth ny lyuassant y
ovyn rac eu harglỽydes. Yr|hynny ual|kynt ti a geffy yno
lewenyd a|th lettyaỽ. kanys kỽrteis ynt ỽy myỽn arueroed
ereiỻ. ac ny ỽnn i yn|y byt gỽreic degach no|e harglỽydes ỽy
ac ny bu idi eiryoet na gỽr na gorderch. kanys ny bu wiỽ gen+
thi garu vn gỽr ony bei y vot yn oreu marchaỽc o|r hoỻ vyt
a mi a|af y·gyt a|thi y myỽn y peri ytt gedymdeithyas a|ỻewe+
nyd. Duỽ a|diolcho ytt heb·y gỽalchmei. dyuot y myỽn a|ỽ ̷+
naethant. disgynnv a|oruc gỽalchmei. a|r marchaỽc urdaỽl
a|e kymerth erbyn y laỽ. ac a|e|duc y|r neuad. ac a|beris tyn+
nv y arueu. a|dỽyn diỻat o ysgarỻa* idaỽ o|e gỽisgaỽ. Ac ar
hynny nachaf yr|arglỽydes yn|dyuot att walchmei. ac yn|y
rassaỽu. ac ynteu a|gyuodes y uyny yn|y herbyn. A|r|vnben ̷+
nes a|e kymerth erbyn y laỽ. ac a|dywaỽt. a vnbenn heb hi.
a vynny di dyuot y edrych vyng|capel. Mynnaf yn ỻawen
heb·y gỽalchmei. Odyna y|r capel y doethant hi a|gwalchmei.
ac ny welsei eiryoet gapel degach o vaes ac o vyỽn. Ac yno
yd oed
| « p 139r | p 140r » |