LlGC Llsgr. Peniarth 11 – tudalen 141v

yttoed yn redec. Ac yna y dywaỽt hi ỽrth walchmei. a vnben heb

hi grassaỽ duỽ ỽrthyt. Duỽ a rodo ỻewenyd ytt heb·y gỽalchmei.

Ac yna yr vnbennes a|dywaỽt ỽrth y bitheiat. nyt archassỽn i ytti

dỽyn yma y marchaỽc hỽnn namyn yr hỽnn a|ladyssei y gỽr marỽ

hỽnn. A vnbennes heb·y gỽalchmei a|wdost ditheu pỽy oed ef.

Gỽnn heb hitheu laỽnslot a|e ỻadaỽd yn|y fforest yna. a duỽ a

wnel y|minneu aỻel y dial arnaỽ ef ac ar|gỽbyl o wyr arthur.

kanys ỽynt a|wnaethant yni lawer o anesmỽythder. ac os da

gan duỽ ni a|e dialỽn arnunt. kanys y mae idaỽ vab da. a min  ̷+

neu yỽ y chwaer. A vnbennes heb·y gỽalchmei yn iach ytti. ac

ar|hynny yd aeth ef o|e|fford e|hun. dan wediaỽ duỽ ar gyuaruot

laỽnslot y gedymdeith ac ef  ~  ~  ~  

D ywedut y mae y kyfarwydyt marchogaeth o walchmei

yny oed agos y bryt gosper. ac yna arganuot ohonaỽ o|r

tu deheu o|e fford ỻỽybyr bychan. a sathyrua dynyon arnaỽ. ac

y|r ỻỽybyr hỽnnỽ y kyrchaỽd ef achaỽs gỽelet yr heul yn gos+

tỽng. ac yn tewdỽr y fforest ef a|welei gapel maỽr a|thei tec yn|y

ymyl. a cheyrỻaỽ y capel yd oed herber. a|phalis ystyỻot yn|y

chylch o|gylch. ac yn ymyl y palis yd oed meudỽy yr|honn a|deby+

gei baỽp herwyd y weletyat y vot yn wr da a|e ogỽyd ar y|palis

ac yn edrych yr herber. ac yn ỻawen ganthaỽ yr hynn a|welei. A

phan weles ef walchmei ef a aeth yn|y erbyn. a|gỽalchmei a|dis+

gynnaỽd. Arglỽyd heb y meudỽy grassaỽ duỽ ỽrthyt. Duỽ a rodo

ỻewenyd ytt heb·y gỽalchmei. Yna y meudỽy a|beris kymryt y

march a|e ystablu. ac odyna ef a|beris y|walchmei dyuot y e+

drych yr herber|gyt ac ef. a|mi a|dangossaf ytt yr ystyr yssyd ymi