LlGC Llsgr. Peniarth 11 – tudalen 239v

esgyỻ y myỽn kei. A chei a torres y baladyr. a|thrist vu gan  ̷+

thaỽ pan|wybu y vriwaỽ. a|r marchaỽc araỻ briwedic a vỽry+

aỽd vn o varchogyon kei y|r ỻaỽr. Yna laỽnslot a|gymerth mar  ̷+

ch yr vn a vỽryassit ac a|e roes y owein ac a|e roes ar y warth+

af. yr|hỽnn a|oed gỽedy y vriwaỽ yn|doluryus hyt na aỻei ym  ̷+

gynnal o·nyt o abreid. yna kei a dynnaỽd cledyf ac a|hỽyl+

yaỽd idaỽ megys ỻeỽ kyndeiryaỽc. a laỽnslot yna a weles ow+

ein a|r ỻaỻ heuyt gỽedy briwaỽ yn|drỽc. ac a|uedylyaỽd nat oed

les idaỽ aros ymguraỽ e|hun yn erbyn y trywyr rac ovyn

dyuot nerth heuyt att gei. Ac yna efo a|erchis y owein ac y|r ỻaỻ

gerdet o|r|blaen. a|chei a|oed yno ar y trydyd yn ymglockyn ac

ynteu. ac yn keissyaỽ y aflessu o|r tu dra|e|gevyn. Ac ueỻy dan

amdiffyn y gedymdeithyon y kerdaỽd laỽnslot. ac ef a ymchoe+

lei weitheu tu ac att gei. a|e gedymdeithyon yn|y gyffelyb y gỽn+

aei y tramynyat y|r|kỽn. Kei eissyoes a roi idaỽ ef dyrnodeu

creulaỽn trymyon pan y godiwedei. a laỽnslot idaỽ ynteu. ac ueỻ+

y yr ym·amdiffynnei laỽnslot. a|phan|weles kei na aỻaỽd afles  ̷+

su laỽnslot. ef a|ymchoelaỽd dra|e|gevyn yn ỻidiaỽc ac a|medỽl

ganthaỽ ar|dial y gam. kanys nyt oed yn yr hoỻ vyt gỽr kyn

gasset ganthaỽ ef a|laỽnslot. a dyuot a|wnaeth ef dra|e|geuyn

hyt yng|kasteỻ y greic calet. Ac yna briant o|r|ynyssed a ovyn+

naỽd idaỽ pỽy a|e briwassei. ac ynteu a|dywaỽt y vot yn dỽyn

owein vrych yng|karchar pan|doeth laỽnslot o|e amdiffyn. Pa+

ham heb ef a|doeth y brenhin. Nys gỽnn heb·y kei. Briant