LlGC Llsgr. Peniarth 15 – tudalen 102

y|vam a|hvdolyon a|e magant yg koziam. Ac a|vẏd arglwẏd ar yr holl vẏt

ac a|darestwng holl dẏlẏawl* o|betwar|mod idaw yn gyntaf yd ystwng y

bonedigyon o|olvdoed y|rei a|vẏd amẏl idaw kannẏs pob swllt kvdẏedic a

vyd amlwc idaw O|r eil mod ẏd ystwng ẏ|tlodẏon idaw rac y|ofvẏn kannẏs

y krevlonder mwyhaf a|wnna ef ẏ|r neb a|gretto y|dvw o|r trẏdẏd mod. Ef

a|twyll ac a|darestwng ẏ|r yscolheigẏon idaw o|e doethineb a|e hvolder kannẏs

ef a|wybẏd yr holl gellvẏdodev* a|r ysgrẏthvr ẏn vyuyr O|r petweryd mod

Ef a|dwyll y krevẏdwẏr o|arwẏdon a|gwrthyev kannẏs ef a|wnna anrẏ+

vedodev arveigvs* megẏs y|peri tan o nef y losgi Rac y|vron ef y neb a|vo

ẏn|ẏ erbẏn a|chẏvodi y|meirw y|rodi tystolẏaeth idaw Discipulus Ae kyvyt wyn+

twy yntev yn wir. Magister. Nac ef namẏn kythrevl o|e drẏcweithredoed a|gyrch

y|mywn corff dẏn emelldigedic ac a arwin* hwnnw aamdanaw* a|dẏwedvt

drwydaw megẏs y|gwelit y|vot yn vẏw herwẏd y|dẏwedir Gevawc vẏd

y holl weithredoed yn|ẏ holl wẏrthev a|e arwydon ac ef adeila o nevẏd

hen gaervssalem Ac yno ẏd eirch y|adoli yn wir dvw A|r Jdewon a|doant

o bop mann o|r bẏt o|e derbẏn yn anrẏdedvs. Ac o|brygeth Elẏ ac enoc

a ẏmchwelant ẏ|gristonogawl grẏvẏd a|phawb haẏach onadvnt a|odevant

krevlawn verthẏrolẏaeth. Discipulus. Ym|pa oet y|daw y rei hẏnnẏ. Magister. Ẏn|ẏr

oet y|kẏmerwẏt wẏnt o|r bẏt hwnn a|r anticrist a|e llad wẏnt. Ac ef

a|vẏd medẏant yr holl vẏd ẏn eidaw ef teir blyned a|hanner Odyna

ef a|dẏnn y bepyll y|vẏnẏd olivet y|ymlad a|rei gwiryon ef a|dywedir ẏ

byrrheir ẏ|dẏdyev yna o achos ẏr etholedigyon. A vẏd bẏrrach y|dẏdyev

yna noc yr awr·honn Megẏs y|dywedir ef a|westetyf y|dyd mal y|llvnẏ+

eitheist|i namẏn ef a|dẏwedir byrrhav ẏ|dẏd am vot yn vyrr yr amser

kannẏs teir blẏned a|hanner y|gwledẏcha ef a dywedir ac a|gredir bot

ẏn llei corfforoed y|dẏnẏon yna noc yr awr honn Megẏs y|mae llei ẏr

awr honn no|r rei gynt. Discipulus. Beth a|vẏd gwedẏ hẏnnẏ. Magister. Ef a|ede+

wir devgein nihev y|bynẏdyaw y|r neb a|dẏgwẏdawd nac o|vygẏthẏev

nac o|e dwyllaw odẏna nẏ wẏr neb pa dẏd vo dẏdbrawt beth yw

y cornn diwethaf pann rodes yr arglwyd y dedẏf yn|y mẏnẏd ef a|glẏ+

wit llef y|cornn velle y kẏmer engẏlẏon kẏrff o|r awẏr a|chẏrnn y

gẏhoedi y|vrawt gyhed megys y|dywedir Ef a|gan y|gornn ac eil+

weith y|dẏweit   ef a|difvlanna ev cof wẏ y|gann y sein Ac yn

vchel y dẏwe  dant kẏfvodwch y meirw megys y dywedir han+

ner nos ẏ|daw   y llef Ac ar ẏr awr honno ennẏt y|trewit yr am+

rant dros y|gilẏd ẏ kẏvẏt yr holl veirw a|drwc a|da y|vẏnẏ Discipulus Pa

vn yw y|gyvodedigaeth gyntaf. Magister. Megẏs y|mae dev anghev velle y

mae dwẏ gyvodedigaeth vn y|r kyrff. Ac arall y|r eneidev pann becho