LlGC Llsgr. Peniarth 18 – tudalen 28v
Brut y Tywysogion
28v
bydin a|ỽnaethant tu a|chynuael castell catỽaladyr
yr hỽnn a|ỽnathoed catỽaladyr kynn no hynny yn
y lle yd oed moruran abbat y|ty gỽyn yn ystiwa+
rt. yr hỽn a|ỽrthodes rodi y|ỽrogaeth vdunt kyt ys
prouit weitheu drỽy anuon vegythyeu* gỽeitheu
ereill drỽy aneiryf o|rodyon a|gynigyit idaỽ. can+
ys gỽell oed gantaỽ y varỽ yn aduỽyn no dỽyn
y vuched yn dỽyllotrỽs. a|phan welas howel a|ch+
ynan hynny dỽyn kyrch kynhyruus yr castell
a|ỽnaethant a|e enill a|orugant y|dreis. Ac o vreid
y|dieghis keitỽat y|castell drỽy nerth y gyueillon. ỽe+
dy llad rei o|e gydymdeithon a|brathu ereill. Yn|y ulỽ+
ydyn honno y bu varỽ robert Jarll vab henri vre+
nhin gỽr a|gynhalassei ryuel kyn no hynny yn
erbyn estefyn vrenhin deudeg|mlyned. yn|y ulỽy+
dyn honno y bu varỽ gilbert Jarll vab gilbert
arall. Y ulỽydyn racỽyneb y|bu varỽ vchdrut es+
cob llan daf. gỽr maỽr y|volyant amdiffynnỽr yr
eglỽysseu. gỽrthỽnebỽr y elynyon yn|y berffeith
henneint. ac yn|y|ol ynteu y|bu escob nicol vab
gỽrgant escob. Yn|y ulỽydyn honno y|bu varỽ
bernart escob myniỽ yn|y dryded ulỽydyn|ar|dec
ar hugeint o|e esgobaỽt gỽr enryued y volyanrỽ+
yd a|dỽyỽaỽl y|santeidrỽyd ỽedy diruaỽron lauu+
ryeu ar vor a|thir ỽrth beri y eglỽys vyniỽ y hen
rydit. ac yn|y ol ynteu y dynessaỽd yn escob dauid
| « p 28r | p 29r » |