LlGC Llsgr. Peniarth 18 – tudalen 63v
Brut y Tywysogion
63v
ỽelas Maredud a phadric y gỽyr ereill. torri
kygreir a|ỽnaethant a|e hachup. Ac yna y|llas
padric a llaỽer o varchogyon a|phedyt ygyt
ac ef. Yn diỽed y|vlỽydyn honno y|morỽydaỽd
henri vrenhin y|ffreinc y|ymdidan a|brenhin ffre+
TRugein mlyned a|deu|cant a mil [ inc.
oed oed crist pann aeth llywelyn ap grufud y|uuellt
A dỽyn buellt oll y|gann rosser mortmer
eithyr y castell. Ac odyna trỽy ymdeith ar traỽs
deheubarth hep ỽneuthur drỽc y|neb. yd ymho+
elaỽd y ỽyned. A gỽedy hynny yn|y lle y|cauas
gỽyr llywelyn o gyrch nos hep un ergyt ymlad castell
buellt. A gỽedy dala y castellỽyr. A chael y meirch
ar aruev ar dotreuyn ar yspeil oll. y|distryỽassant
y|castell. Ac yna y|deuth yỽein ap maredud o elua+
el y|hedỽch yr arglỽyd lyỽelyn. Y ulỽydyn racỽy+
neb y bu varỽ gỽladus verch grufud ap llywelyn. gỽreic y
rys arglỽyd ap rys mechyll. Ac yna am galan
gayaf y|bu varỽ yỽein ap maredud arglỽyd
kedeỽein. Y|ulỽydyn racỽynep y|bu varỽ rikert
iarll clar. Y|ulỽydyn honno am·gylch gỽyl andras
y doeth rei o|gygor gỽyr maelenyd yr castell ne+
ỽyd a oed y|rosser mortmer ymaelenyd. a gỽedy
dyuot y|myỽn trỽy dỽyll y|lladassant y porthor+
yon. Ac y|dallyassant hyỽel ap meuryc a|oed
gỽnstabyl yno. A|e ỽreic a|e veibon. A|e verchet.
| « p 63r | p 64r » |