LlGC Llsgr. Peniarth 190 – tudalen 105
Ystoria Lucidar
105
eu|cladu yng|kyssegyr. Magister Ys mỽy drỽc udunt
eu gwascu drỽy gladedigaeth a|r rei y gỽehe+
nir ỽynt ym peỻ y ỽrthunt drỽy y haedu o+
honunt. ac ef a|darỻeir ry datclad* o|r kythreu+
leit lawer o|r kyfryỽ ac eu bỽrỽ o|r kyssegyr
ympeỻ ỽynt. discipulus Peỻ y|th wnel duỽ oreuaf
athro y ỽrth bop drỽc. a christ a|th wnel yn ge+
dymdeith o|e engylyon ef yn|y nef. ~ ~ ~ ~ ~ Discipulus
C anys torret anneiryfedigyon ben+
neu y sarff. ac y mae ereiỻ gỽedy
eu ry dat·eni yn|y ỻe. a|geimat oleuni yr e ̷+
glỽys. kymer gledyf dy uonhedic dauaỽt ti
a|thrycha goet y govynneu yd ỽyf|i yng|ky+
ueilyorn yndunt. megys y gaỻỽyf dyuot y|r
rỽyduaes yng|gỽybodeu trỽydot ti. Magister|Megys
y daỽ gỽrbỽys ac aneiryf luossogrỽyd var+
chogyon ganthaỽ yn|erbyn y wreicbỽys
a|e dỽyn ganthaỽ gan ganueu a ỻewenyd.
veỻy ỽrth diwed gỽirion y daỽ yr angel
keitwat a ỻawer o engylyon ygyt ac ef y
dỽyn eneit gỽreicbỽys crist o garchar y
corf gan gywydolaetheu a cherdeu. a|dir+
| « p 104 | p 106 » |