LlGC Llsgr. Peniarth 190 – tudalen 21
Ystoria Lucidar
21
aỽd. a|gỽedy hynny y teruysc hỽnnỽ a|gerd+
aỽd ymplith dynaỽl etiued. discipulus Paham y bu
yn|yr aelaỽt hỽnnỽ mỽy noc yn|y rei ereiỻ.
Magister Y wybot yr hoỻ etiuedyon eu bot yn ar+
gywedus o|r vn·ryỽ gared. discipulus A welsant ỽy
duỽ ym paradwys Magister Gỽelsant drỽy ymri+
thaỽ o·honaỽ yn ffuryf araỻ. megys y
gỽeles y·vream a|loth a|r proffỽydi ereiỻ.
discipulus Paham y tỽyỻaỽd y kythreul ỽynt. Magister O a+
chaỽs kenuigen. kanys kynghoruynt vu
ganthaỽ dyuot dyn. ar yr enryded y dygỽyd+
aỽd ef o·honaỽ drỽy valchder. discipulus Drỽy pa
fford y kafas ef y brofi. Magister|Drỽy syberỽyt.
kanys dyn a vynnaỽd bot yn|y briaỽt vedy ̷+
ant e|hun. a|dywedut ual|hynn yn|y amylder.
ny|m|kyffroir i vyth. discipulus Paham y gadaỽd
duỽ y brofi ef ac ynteu yn gỽybot y gorvy+
dit arnaỽ. Magister Am wybot meint o|da a|wnaei
o|e bechaỽt. discipulus A dywaỽt y sarff. Magister Na|dyw+
aỽt. Diaỽl hagen a dywaỽt ỽrth y sarff.
megys y dyweit hediw drỽy dyn a gaffo
| « p 20 | p 22 » |