LlGC Llsgr. Peniarth 190 – tudalen 9
Ystoria Lucidar
9
yr enweu hynny yn|y nef. a|r angel kyntaf
o damchwein a|elwit sathan. Sef yỽ hynny
gỽrthỽynebỽr y duỽ. discipulus Dywet ym pa beth y
bu wrthỽynebỽr ef y|duỽ. Magister Pan weles ef y
vot yn ragori rac holl radeu yr engylyon
o ogonyant a thegỽch gan dremygu paỽb ef
a aruaethaỽd ym·ogyfuchaỽ a|duỽ. neu vot
yn vỽy noc ef. discipulus Pa delỽ yn ogyfuch neu yn
vỽy. Magister. Ef a|vynnassei gymryt ansaỽd a|vei
weỻ noc a|rodassei duỽ idaỽ o|e gyfrannu ac
ereiỻ drỽy greulonder o anuod duỽ. a bot yn
arglỽyd arnadunt. discipulus Beth wedy hynny. Magister
O balis ỻys nef efo a gỽympỽyt. a|e vỽrỽ y|r
carchar issaf. a megys yd oed deckaf ef gynt
veỻy y gỽnaethpỽyt yn duaf wedy hynny. a
megys yd oed loewaf ef gynt. veỻy y bu dyw+
yỻaf wedy hynny. ac megys yd oed volyannus+
saf ef gynt o|bop anryded. wedy hynny y
bu ysgymunedickaf o bop kyueilyorn. discipulus
A wybu ef y dygỽydei. Magister Peỻ iaỽn. discipulus Pa hyt
y trigyaỽd ef yn|y nef. Magister Ny bu hanner vn
| « p 8 | p 10 » |