LlGC Llsgr. Peniarth 32 (Y Llyfr Teg) – tudalen 79
Llyfr Iorwerth
79
ef ar y tir. Treftadaỽc a|gychỽyn gỽr dyuot.
Sef yỽ gỽr dyuot; dyn a|del trỽydaỽ e|hun y
tir. ac ny bo neb o|e genedyl kyn·noc ef ar y tir.
ac ueỻy y kerda eu breint herỽyd ual y bo eu
kyn·warchadỽ Ereiỻ a dyweit na eiỻ priodaỽr
kychỽyn kychỽyn priodaỽr. ac na eiỻ amprioda+
ỽr kychỽyn y gilyd. ac ỽrth hynny ny eiỻ try+
dyd gỽr kychỽyn treftadaỽc. na thref·tadaỽc ky+
chỽyn gỽr dyuot. kanyt priodaỽr neb onadunt
yny vo pedweryd gỽr. ac ny eiỻ ampriodaỽr
kychwyn y gilyd.
G Obyr kyfreithaỽl y brenhin o tir y bo sỽyd
o·honaỽ ual pen·hebogydyaeth. neu
disteinyaeth neu vaeroni. neu gygheỻorya+
eth. neu hunanyaeth; punt. O tir y bo dỽy
sỽyd o·honaỽ; chỽeugeint a phunt. Sef yỽ
hynny; o vessur randir. Penteulu a|dyly
ugeint o bop punt o|r a del y|r brenhin am ~
dadleueu tir a|daear. a hynny o rann y brenhin.
a dec keinyaỽc y|r distein. y·ueỻy. Gỽedy
barnher tir a daear y dyn; ny eỻir ỻudyas
kyfran idaỽ o hynny aỻan pan vynho; na
chaeedic vo yr amser nac ef ny bo. kyfrei+
thaỽl yỽ idaỽ ef kyfran bop amser. ac ny
dyly kymryt tir kynnif yn ỻe priodolder.
ac os kymer a|e goỻi o·honaỽ yn kyfreithaỽl; ny
| « p 78 | p 80 » |