LlGC Llsgr. Peniarth 33 – tudalen 177
Llyfr Blegywryd
177
hẏt aỽst; pedeir keinnaỽc kẏure ̷+
ith. hẏt racuẏr; deudec keinnaỽc
hẏt galan wheuraỽr; deunaỽ. h ̷+
ẏt galan mei; pedeir ar|hugeint
.hẏt aỽst. dec ar|hugeint. hẏt pa* ̷+
cuẏr; vn ar|bẏmthec ar|hugeint
hẏt whefraỽr; dỽẏ a|deugeint. ̷ ̷
hẏt vei; ỽẏth a|deugeint. hẏt aỽ ̷ ̷+
st; trugeint a|tal. kannẏs deudec
keinnaỽc a|dẏrcheif arnaỽ ẏna.
A deudec heuẏt bop tẏmhor hẏt
galan mei; Ac ẏna teir blẏnyd vyd
Ac ẏna vn ar|bẏmthec a|petuar ̷ ̷
vgeint a|tal. Ac ẏna ẏ|dẏlẏir ẏ
dala. A phan dalher vgeint a|dẏr+
cheif ar ẏ|werth. A|phedeir kein+
naỽc pan ffrỽẏner. Ac veỻẏ; w ̷ ̷+
heugeint a|tal. Amỽs a|bascer
mis a|hanner; punt a|tal. Pal ̷+
frei; morc a|tal. Rỽnsi; wheu ̷+
geint a|tal. Sỽmer·varch; petỽ ̷+
ar vgeint a|tal Raỽn amỽs ẏ
maes o|r goloren; pedeir ar|huge ̷+
int; O|r torrir dim o|r goloren. ~ ~
| « p 176 | p 178 » |