LlGC Llsgr. Peniarth 35 – tudalen 70r
Llyfr Cynghawsedd
70r
Tri dyn a| dely talu sarhaet ac na dyly y kymryt.
gỽreic. as* yscoleyc. ac offeyrat. Tri dyn bonhe+
dyc gỽiryon nyt oes na sarhaet na galanas
vdunt. vn yỽ dyn a ladho anyueil. a| dyn a| la+
dho ky kendeiraỽc. a dyn a| ladho prenn yn| y
vỽru gan y rybudiaỽ. Tri meib ryd o kaeth
yscoleic. a gof. a bard. tri meib kaeth o ryd. eu
meybon ỽynteu. Vn aghyfarch adyfedyc ny
dylyr y| dyfỽyn. da kyt yn dywahard didial
uyd onyt talu yr dyn er eydaỽ. Vn croes a de+
lehyr deu dy a ymdanei. O|r daỽ dyn at arall
ac ef yn mỽynhau tyr a croyssy o hỽnnỽ y tyr
ac na bu y llall urth y croes a barnu y tyr yr neb
a|e mỽynhaỽd ef a| deleyr camluru ar pob vn
onadunt. Ar y neyll am cam croyssy ar llall
am na bu urth y groes. Vn lle y byd eneyt
uadeu lleydyr gỽerth yn dydor. pan uarner
dyn yn lleydyr gỽerth ac na mynho ymprenu
gan y allu o·honaỽ. kyfreith. a uarn y| dyuetha. Vn
dyn yssyd lley y sarhaet noc un kaeth y ỽerch
kyn gỽra o·heny hanner sarhaet y braud
nyt mỽy no dỽy. keinaỽc. Vn lle y bernyr reyth am
lledrat yn llaỽ ar perchenaỽc yn paraỽd
y damdỽg pan holo dall da a|e odywes yna
y bernyr y reyth. cany dyly dall damdỽg
A oes un mab amheu a uo reid y wadu. oes
mab gỽreic uut.
| « p 69v | p 70v » |