LlGC Llsgr. Peniarth 36A – tudalen 55v
Llyfr Blegywryd
55v
dichaỽn. ac velly y goruyd ef y braỽdỽr. Onys
dichaỽn; y braỽdỽr a oruyd. kany dichaỽn
neb anheilygu braỽt yn erbyn gỽystyl y
y* braỽdỽr ony eill ynteu dangos a uo tei+
lygach yghyfreith yscriuennedic os y deu
amrysson erbyn yn erbyn a uyd yghyf+
reith yscriuennedic. y dosparth a dodir ar
ganonwyr a arueront o wiryoned ar hyn
a welher yn nessaf yr wiryoned; teilygaf
yỽ y gynhal yn| y gyfreith. Or dyry neb
ỽystyl yn erbyn braỽt a rotho braỽdỽr ac
a datganho heb lyfyr kyfreith kydrychaỽl.
y braỽdỽr bieu dewis ae rodi gỽystyl yn| y
yn*| y* erbyn ae godef trỽy y gỽrthỽyneb
hỽnnỽ dangos yna neu ar oet braỽt tei+
lygach o gyfreith yscriuennedic. Or dyry y
gỽystyl. y neb y gorffer arnaỽ. collet werth
y tauaỽt. Os godef ef kyn gorffo y llall. ny
chyll y braỽdỽr onyt camlỽrỽ. Ac ony or+
uyd y llall. kamlỽrỽ a gyll. Ny byd kylus
neb braỽdỽr. yr rodi a datganu braỽt o aỽ+
durdaỽt yscriuennedic kyny bo iaỽn onys
| « p 55r | p 56r » |