LlGC Llsgr. Peniarth 36A – tudalen 60r
Llyfr Blegywryd
60r
y warthec. Ac velly o pob march a gaffer
ym|plith y veirch. Teir rỽyt breyr ynt.
allwest y veirch. ae preid warthec. ae
genuein voch. o pob llỽdyn a gaffer yn
eu plith oc eu kyfryỽ. pedeir keinhaỽc
kyfreith. a geiff y breyr. Teir rỽyt tayaỽc
ynt. y warthec. ae voch. a hentref. o pob
llỽdyn a gaffer yn eu plith. o galan mei
hyt amser medi. pedeir keinhaỽc a ge ̷+
iff y tayaỽc. Tri chorn buelyn y brenhin.
y gorn kyfed. ae gorn kyweithas. ae
gorn hely yn llaỽ y penkynyd. punt a
tal pob vn ohonunt Teir telyn kyf ̷+
reithaỽl yssyd. telyn brenhin. a thelyn
penkerd. wheugeint a tal pob vn or
dỽy hynny. kyweirgorn pob vn ohonunt.
deudec keinhaỽc a tal. a thelyn vchelỽr.
trugeint a tal. Ae chyweirgorn; pedeir
keinhaỽc kyfreith. a tal. Tri pheth nyt ryd
y vilaen eu gỽerthu heb ganhat y ar ̷+
glỽyd; march. a moch. a mel. os gỽrth ̷+
yt y arglỽyd gyssefin; gỽerthet yr neb
| « p 59v | p 60v » |