LlGC Llsgr. Peniarth 36A – tudalen 65v
Llyfr Blegywryd
65v
ny thelir kyn coller yn ran·ty. chyllell.
a chledyf. a llaỽdyr. Teir sarhaet kelein
ynt. pan lather. pan yspeilher. pan ythy ̷+
er yn| y gorwed. Teir gỽarthrut kelein
ynt. gofyn pỽy a ladaỽd hỽn. Pieu y bed
hỽn. Pieu yr elor hon. Teir gauael nyt
atuerir. Vn a dyccer dros letrat. ac vn
ar vach ny chymello. A thros alanas.
Tri ryỽ tal yssyd y gỽynỽr. Gỽirtỽg.
neu atwerth. neu eturyt. Tri ymdillỽg
o rỽym haỽl yssyd; gỽirtỽg. neu waessaf.
neu ynuytrỽyd. Tri chargychwyn
heb attychwel. Vn yỽ gỽreic gỽedy
yd yscarho ae gỽr yn gyfreithaỽl. a
chyssỽynuab gỽedy gỽatter o genedyl
y tat yn gyfreithaỽl. a thref·tadaỽc pan
del y dilys gỽedy y bo yn
arglỽydiaeth arall o iaỽnder nyt ym ̷+
choel trachefyn. O tri achaỽs y gossodet
kyfreith. kyntaf yỽ y geissaỽ dyst rac
rac* gỽneuthur aghyfreith. Eil yỽ yr gỽa ̷+
ret aghyfreith or darffei y gỽneuthur.
| « p 65r | p 66r » |