LlGC Llsgr. Peniarth 36B – tudalen 4
Llyfr Blegywryd
4
BRaỽtỽr llys a dyly ran gỽr o a ̷+
ryant dayred. Ef a dyry pob
braỽt a perthyno yr llys. Ef a
dengys kyfreitheu a|breinheu holl
sỽydogyon llys. Ef a|geiff peteir
ar|hugeint y|gan pob vn pan dan+
gosso y gyfreith ae vreint idaỽ.
Pan gymero braỽtwyr y|brenhin
gobyr am dadyl a uarnont. Ef
a|geiff ran deu ỽr o hynny. Rỽg yr
etlig ar golofyn yd eisted. Ny|dyry
ef aryant yr pengỽastraỽt pan
gaffo march y gan y brenhin. y
gan y neb a orffo pan uo amrys ̷+
son kadeir y keiff ef corn bual a
motrỽy eur ar gobennyd a dotter
y|danaỽ yn|y gadeir. pan teruyn ̷+
her tir; peteir ar|hugeint a geiff
ef. LLenlliein yn wastat a|geiff y
gan y vrenhines. O anreith a dyc ̷+
| « p 3 | p 5 » |